دست و پا مارے وقت بسمل تک

دست و پا مارے وقت بسمل تک

ہاتھ پہنچا نہ پائے قاتل تک

کعبہ پہنچا تو کیا ہوا اے شیخ

سعی کر ٹک پہنچ کسی دل تک

درپئے محمل اس کے جیسے جرس

میں بھی نالاں ہوں ساتھ منزل تک

بجھ گئے ہم چراغ سے باہر

کہیو اے باد شمع محفل تک

نہ گیا میرؔ اپنی کشتی سے

ایک بھی تختہ پارہ ساحل تک

dast-o-pa mare waqt-e-bismil tak

hath pahuncha na pae qatil tak

kaaba pahuncha to kya hua ai shaikh

sai kar tuk pahunch kisi dil tak

darpae mahmil us ke jaise jaras

main bhi nalan hun sath manzil tak

bujh gae ham charagh se bahar

kahiyo ai bad sham-e-mahfil tak

na gaya mir apni kashti se

ek bhi takhta para sahil tak