دل بلا سے نثار ہو جائے

دل بلا سے نثار ہو جائے

آپ کو اعتبار ہو جائے

قہر تو بار بار ہوتا ہے

لطف بھی ایک بار ہو جائے

زندگی چارہ ساز غم نہ سہی

موت ہی غم گسار ہو جائے

یا خزاں جائے اور بہار آئے

یا خزاں ہی بہار ہو جائے

دل پہ مانا کہ اختیار نہیں

اور اگر اختیار ہو جائے

dil bala se nisar ho jae

ap ko etibar ho jae

qahr to bar bar hota hai

lutf bhi ek bar ho jae

zindagi chara saz-e-gham na sahi

maut hi gham gusar ho jae

ya khizan jae aur bahar ae

ya khizan hi bahar ho jae

dil pe mana ke ikhtiyar nahin

aur agar ikhtiyar ho jae