دشمن جوانیوں کی یہ آشنائیاں ہیں

دشمن جوانیوں کی یہ آشنائیاں ہیں

ان آشنائیوں میں کیا کیا برائیاں ہیں

حسرتؔ کہو کہ کس سے آنکھیں لڑائیاں ہیں

ہونٹوں پہ سرد آہیں منہ پہ ہوائیاں ہیں

یا دل ستانیاں تھیں اور مہربانیاں تھیں

یا کج ادائیاں ہیں یا بے وفائیاں ہیں

قسمت کی کیا شکایت تقدیر کا گلا کیا

جتنی برائیاں ہیں دل کی برائیاں ہیں

dushman jawaniyon ki ye ashnaiyan hain

in ashnaiyon mein kya kya buraiyan hain

hasrat kaho ke kis se ankhen laraiyan hain

honton pe sard ahen munh pe hawaiyan hain

ya dil sitaniyan thin aur mehrbaniyan thin

ya kaj adaiyan hain ya be wafaiyan hain

qismat ki kya shikayat taqdir ka gila kya

jitni buraiyan hain dil ki buraiyan hain