دل بر کو دلبری سوں منا یار کر رکھوں

دل بر کو دلبری سوں منا یار کر رکھوں

پیتم کو اپنے پیت سوں گلہار کر رکھوں

ایک نوم سوں جگاؤں اگر مردہ دل کے تئیں

تا حشر یاد حق منے بیدار کر رکھوں

رہتا ہے دل ہر ایک کا ہر ایک کام میں ایک

اپنا خیال صورت پرکار کر رکھوں

دستا ہے مجھ کو یار کا رخسار گل عذار

تس کی خوشی سوں طبع کو گل زار کر رکھوں

منکے کو من کے لاؤں پھرانے کا جب خیال

تسبیح بدن کی توڑ کے ایک تار کر رکھوں

پیتم کے باج نہیں ہے مرا اختیار کچھ

مجھ دل کو تس کے امر میں مختار کر رکھوں

بے سر اگر اچھے تو اسے سر کروں عطا

دونوں جہاں میں صاحب اسرار کر رکھوں

اندھے کے تئیں علیمؔ لگا عشق کا انجن

سب واصلاں میں واصل دیدار کر رکھوں

dil bar ko dilbari sun mana yar kar rakhun

pitam ko apne pit sun gulhar kar rakhun

ek nom sun jagaun agar murda dil ke tain

ta hashr yad-e-haq mane bedar kar rakhun

rahta hai dil har ek ka har ek kam mein ek

apna khayal surat-e-parkar kar rakhun

dista hai mujh ko yar ka rukhsar-e-gul izar

tis ki khushi sun taba ko gul zar kar rakhun

minke ko man ke laun pharane ka jab khayal

tasbih badan ki tor ke ek tar kar rakhun

pitam ke baj nahin hai mira ikhtiyar kuchh

mujh dil ko tis ke amar mein mukhtar kar rakhun

be sar agar achchhe to use sar karun ata

donon jahan mein sahab-e-asrar kar rakhun

andhe ke tain alim laga ishq ka anjan

sab wasilan mein wasil-e-didar kar rakhun