دشمن کی بات جب تری محفل میں رہ گئی

دشمن کی بات جب تری محفل میں رہ گئی

امید یاس بن کے مرے دل میں رہ گئی

تو ہم سے چھپ گیا تو تری شکل دل فریب

تصویر بن کے آئینۂ دل میں رہ گئی

نکلا وہاں سے میں تو مرے دل کی آرزو

سر پیٹتی ہوئی تری محفل میں رہ گئی

دیکھا جو قتل عام تو ہر لاش پر اجل

اک آہ بھر کے کوچۂ قاتل میں رہ گئی

میں کیا کہوں رساؔ کہ مرے دل پہ کیا بنی

تلوار کھچ کے جب کف قاتل میں رہ گئی

dushman ki bat jab tiri mahfil mein rah gai

ummid yas ban ke mire dil mein rah gai

to ham se chhup gaya to tiri shakl-e-dil fareb

taswir ban ke aina-e-dil mein rah gai

nikla wahan se main to mire dil ki arzu

sar pitti hui tiri mahfil mein rah gai

dekha jo qatl-e-am to har lash par ajal

ik ah bhar ke kucha-e-qatil mein rah gai

main kya kahun rasa ke mire dil pe kya bani

talwar khich ke jab kaf-e-qatil mein rah gai