دشت پیمائی کا گر قصد مکرر ہوگا

دشت پیمائی کا گر قصد مکرر ہوگا

ہر سر خار پئے آبلہ نشتر ہوگا

مے کدے سے ترا دیوانہ جو باہر ہوگا

ایک میں شیشہ اور اک ہاتھ میں ساغر ہوگا

حلقۂ چشم صنم لکھ کے یہ کہتا ہے قلم

بس کہ مرکز سے قدم اپنا نہ باہر ہوگا

دل نہ دینا کبھی ان سنگ دلوں کو یارو

چور ہووے گا جو شیشہ تہہ پتھر ہوگا

دیکھ لیتا وہ اگر رخ کی تجلی تیرے

آئنہ خانۂ مایوسی میں ششدر ہوگا

چاک کر ڈالوں گا دامان کفن وحشت سے

آستیں سے نہ مرا ہاتھ جو باہر ہوگا

اے رساؔ جیسا ہے برگشتہ زمانہ ہم سے

ایسا برگشتہ کسی کا نہ مقدر ہوگا

dasht paimai ka gar qasd-e-mukarrar hoga

har sar-e-khar piye abla nashtar hoga

mai kade se tira diwana jo bahar hoga

ek main shisha aur ik hath mein saghar hoga

halqa-e-chashm-e-sanam likh ke ye kahta hai qalam

bas ke markaz se qadam apna na bahar hoga

dil na dena kabhi un sang dilon ko yaro

chur howe ga jo shisha tah-e-patthar hoga

dekh leta wo agar rukh ki tajalli tere

aina khana-e-mayusi mein shashdar hoga

chak kar dalunga daman-e-kafan wahshat se

astin se na mira hath jo bahar hoga

ai rasa jaisa hai bargashta zamana ham se

aisa bargashta kisi ka na muqaddar hoga