آغاز ہوا ہے الفت کا اب دیکھیے کیا کیا ہونا ہے

آغاز ہوا ہے الفت کا اب دیکھیے کیا کیا ہونا ہے

یا ساری عمر کی راحت ہے یا ساری عمر کا رونا ہے

شاید تھا بیاض شب میں کہیں اکسیر کا نسخہ بھی کوئی

اے صبح یہ تیری جھولی ہے یا دنیا بھر کا سونا ہے

تدبیر کے ہاتھوں سے گویا تقدیر کا پردہ اٹھتا ہے

یا کچھ بھی نہیں یا سب کچھ ہے یا مٹی ہے یا سونا ہے

ٹوٹے جو یہ بند حیات کہیں اس شور و شر سے نجات ملے

مانا کہ وہ دنیا اے افسرؔ صرف ایک لحد کا کونا ہے

aghaz hua hai ulfat ka ab dekhiye kya kya hona hai

ya sari umr ki rahat hai ya sari umr ka rona hai

shayad tha bayaz-e-shab mein kahin iksir ka nuskha bhi koi

ai subh ye teri jholi hai ya duniya bhar ka sona hai

tadbir ke hathon se goya taqdir ka parda uthta hai

ya kuchh bhi nahin ya sab kuchh hai ya mitti hai ya sona hai

tute jo ye band-e-hayat kahin is shor-o-shar se najat mile

mana ke wo duniya ai afsar sirf ek lahad ka kona hai