دل اب اس دل شکن کے پاس کہاں

دل اب اس دل شکن کے پاس کہاں

چیل کے گھونسلے میں ماس کہاں

صبر بیمار عشق کی ہے دوا

پر طبیعت سے میری راس کہاں

صبح آنے کا اس کے وعدہ ہے

مجھ کو پر رات بھر کی آس کہاں

دشمن جاں کو دوست سمجھا میں

وہ کہاں میں کہاں قیاس کہاں

کیا ہوا اس کو دیکھتے ہی بیاںؔ

ہوش کیدھر گئے حواس کہاں

dil ab is dil shikan ke pas kahan

chil ke ghonsle mein mas kahan

sabr bimar ishq ki hai dawa

par tabiat se meri ras kahan

subh ane ka us ke waada hai

mujh ko par rat bhar ki as kahan

dushman-e-jan ko dost samjha mein

wo kahan main kahan qayas kahan

kya hua us ko dekhte hi bayan

hosh kidhar gae hawas kahan