دشمن سے ہے میرے دلِ مضطر کی شکایت

دشمن سے ہے میرے دلِ مضطر کی شکایت

کیوں کر نہ کروں شوخیِ دلبر کی شکایت

سودے میں نہیں زلفِ معنبر کی شکایت

تاخیر نہ کر قتلِ شہیدانِ وفا میں

ہر ایک کو ہے تیزیِ خنجر کی شکایت

تاثیر ہو کیا، ان لب و دنداں کا ہوں بیمار

نے لعل کا شکوہ ہے نہ گوہر کی شکایت

کیوں بوالہوسوں سے دلِ عاشق کا گلہ ہے

غیروں سے بھی کرتا ہے کوئی گھر کی شکایت

اب ظلم سرشتوں کی نگہ سے ہوں مقابل

ہوتی تھی کبھی کاوشِ نشتر کی شکایت

یاں کانٹوں پہ بھی لوٹنے میں چین نہیں ہے

واں غیر سے ہے پھولوں کے بستر کی شکایت

تعلیم بد آموز کو ہم کرتے ہیں ، یعنی

ہے شکرِ وفا، جورِ ستم گر کی شکایت

بے پردہ وہ آئیں گے تو کیسے مجھے ہو گی

اے شیفتہ ہنگامۂ محشر کی شکایت

dushman se hai mere dil-e-muztar ki shikayat

kyun kar na karun shokhi-e-dilbar ki shikayat

saude mein nahin zulf-e-muambar ki shikayat

takhir na kar qatl-e-shahidan-e-wafa mein

har ek ko hai tezi-e-khanjar ki shikayat

tasir ho kya, un lab-o-dandan ka hun bimar

ne laal ka shikwa hai na gauhar ki shikayat

kyun bawalhoson se dil-e-ashiq ka gila hai

ghairon se bhi karta hai koi ghar ki shikayat

ab zulm sarishton ki nigah se hun muqabil

hoti thi kabhi kawish-e-nashtar ki shikayat

yan kanton pe bhi lautne mein chain nahin hai

wan ghair se hai phulon ke bistar ki shikayat

taalim-e-bad amoz ko ham karte hain, yaani

hai shukr-e-wafa, jaur-e-sitam gar ki shikayat

be parda wo aenge to kaise mujhe hogi

ai shefta hangama-e-mahshar ki shikayat