درد دل کا کسے کروں اظہار

درد دل کا کسے کروں اظہار

غم ہجرت بہ جان من بسیار

نرگسی چشم کو کہاں پاؤں

جسے تسکیں ہو خاطر افگار

رکھوں اپنا کفن سلانے کو

پاؤں گر موئے زلف کا یک تار

باقی ارماں رہا بہ دل افسوس

جان جاتی ہے یار یار پکار

صنما ظالماں ستا لے آ

منتظر کوئی دم رہا بے شمار

دیکھنا دیکھ لے دکھا صورت

ورنہ پھر میں کہاں کہاں تو یار

آفریدیؔ گرا بے چاہ زنخ

ماہ کنعان کی طرح لاچار

dard-e-dil ka kise karun izhar

gham-e-hijrat ba jan-e-man bisyar

nargisi chashm ko kahan paon

jise taskin ho khatir-e-afgar

rakhun apna kafan sulane ko

paon gar mu-e-zulf ka yak tar

baqi arman raha ba dil afsos

jan jati hai yar yar pukar

sanma zaliman sata le a

muntazir koi dam raha be shumar

dekhna dekh le dikha surat

warna phir main kahan kahan to yar

afridi gira be chah-e-zanakh

mah-e-kanan ki tarah lachar