درد جاتا نظر نہیں آتا

درد جاتا نظر نہیں آتا

حال اچھا نظر نہیں آتا

اس خرابات میں خراب نہ ہو

کوئی ایسا نظر نہیں آتا

تم سے کیا کیا کہوں محبت میں

مجھ کو کیا کیا نظر نہیں آتا

وہی اندھے ہیں عقل کے جن کو

عیب اپنا نظر نہیں آتا

دل میں جب تک ہے رشک غیر عزیزؔ

کوئی تنہا نظر نہیں آتا

dard jata nazar nahin ata

hal achchha nazar nahin ata

is kharabat mein kharab na ho

koi aisa nazar nahin ata

tum se kya kya kahun mohabbat mein

mujh ko kya kya nazar nahin ata

wahi andhe hain aql ke jin ko

aib apna nazar nahin ata

dil mein jab tak hai rashk-e-ghair aziz

koi tanha nazar nahin ata