درد جوں شمع ملے ہے شب ہجراں مجھ کو

درد جوں شمع ملے ہے شب ہجراں مجھ کو

کھا گئے رو رو مرے دیدۂ گریاں مجھ کو

نو بہار آئی مبارک ہوئے جوں غنچہ و گل

خاطر جمع تجھے حال پریشاں مجھ کو

گر دم صبح شہیدان چمن سیر کرو

تیغ قاتل ہے دم منت احساں مجھ کو

جوں بگھولا ہے مجھے خجلت عصیاں دم فخر

بال پرواز ہوئے دست پشیماں مجھ کو

آفتاب‌ دل روشن دیا سودا نے مجھے

صبح ہادی ہوا یہ چاک‌ گریباں مجھ کو

دھن میں اس چشم کی روؤں جہاں نرگس آگے

سجدہ کرتے ہیں بیاباں میں غزالاں مجھ کو

مشت وحدت ہو بگھولے سا کروں اپنا طواف

گردش سر ہوا جام مئے عرفاں مجھ کو

دیکھ کر گال ترے زلف کے حلقے سے ہوئی

پوچھا قمری سے کسی نے ترا حاضر ہے سرو

بول کیوں کرتی ہے کوکو کی تو افغاں مجھ کو

تب کہی سرو ڈھونڈوں ہوں میں وفاداری میں

تن میں رکھتا ہے وفا آ کے جلا جاں مجھ کو

زاغ کو سر پہ بٹھاتے ہیں میں جل کر ہوئی راکھ

دوزخ اس رشک سے ہے خلد گلستاں مجھ کو

جام دے ساقی نو عزلتؔ کو کہ جاتی ہے بہار

رووے ہے فصل گل و ابر بہاراں مجھ کو

dard jun shama mile hai shab-e-hijran mujh ko

kha gae ro ro mire dida-e-giryan mujh ko

nau bahar ai mubarak hue jun ghuncha-o-gul

khatir-e-jama tujhe hal-e-pareshan mujh ko

gar dam-e-subh shahidan-e-chaman sair karo

tegh-e-qatil hai dam-e-minnat-e-ehsan mujh ko

jun baghola hai mujhe khajlat isyan dam fakhr

bal-e-parwaz hue dast-e-pasheman mujh ko

aftab-e-dil-e-raushan diya sauda ne mujhe

subh hadi hua ye chak-e-gareban mujh ko

dhun mein us chashm ki roun jahan nargis age

sajda karte hain bayaban mein ghazalan mujh ko

musht-e-wahdat ho baghule sa karun apna tawaf

gardish-e-sar hua jam-e-mai-e-irfan mujh ko

dekh kar gal tire zulf ke halqe se hui

puchha qumri se kisi ne tira hazir hai sarw

bol kyun karti hai koko ki to afghan mujh ko

tab kahi sarw dhundun hun main wafadari mein

tan mein rakhta hai wafa a ke jala jan mujh ko

zagh ko sar pe bithate hain main jal kar hui rakh

dozakh is rashk se hai khuld-e-gulistan mujh ko

jam de saqi nau uzlat ko ke jati hai bahar

rowe hai fasl-e-gul-o-abr-e-baharan mujh ko