درپئے عمر رفتہ ہوں یا رب

درپئے عمر رفتہ ہوں یا رب

ہر دم از خود گزشتہ ہوں یا رب

کیا ہوں مقبول طبع اہل سخن

ایک مضمون بستہ ہوں یا رب

کیا دکھاؤں میں اپنے جوہر آہ

شکل تیغ شکستہ ہوں یا رب

اپنی کم فرصتی کہوں کیا آہ!

آہ از سینہ جستہ ہوں یا رب

پانی پانی ہوں جس کو دیکھ جحیم

سوز غم سے وہ تفتہ ہوں یا رب

دیکھو کیا ہو کہ واں ہے ناز غرور

میں یہ احوال خستہ ہوں یا رب

darpae umr-e-rafta hun ya rab

har dam az khud guzishta hun ya rab

kya hun maqbul-e-tab-e-ahl-e-sukhan

ek mazmun basta hun ya rab

kya dikhaun main apne jauhar ah

shakl-e-tegh-e-shikasta hun ya rab

apni kam fursati kahun kiya ah!

ah az sina jasta hun ya rab

pani pani hun jis ko dekh jahim

soz-e-gham se wo tafta hun ya rab

dekho kya ho ke wan hai naz ghurur

main ye ahwal khasta hun ya rab