آغوش میں جو جلوہ گر اک نازنیں ہوا

آغوش میں جو جلوہ گر اک نازنیں ہوا

انگشتری بنا مرا تن وہ نگیں ہوا

رونق فزا لحد پہ جو وہ مہ جبیں ہوا

گنبد ہماری قبر کا چرخ بریں ہوا

کندہ جہاں میں کوئی نہ ایسا نگیں ہوا

جیسا کہ تیرا نام مرے دل نشیں ہوا

روشن ہوا یہ مجھ پہ کہ فانوس میں ہے شمع

ہاتھ اس کا جلوہ گر جو تہ آستیں ہوا

رکھتا ہے خاک پر وہ قدم جب کہ ناز سے

کہتا ہے آسمان نہ کیوں میں زمیں ہوا

روشن شباب میں جو ہوئی شمع روئے یار

دود چراغ حسن خط عنبریں ہوا

یا رب گرا عدو پہ امانتؔ کے تو وہ برق

دو ٹکڑے جس سے شہپر روح الامیں ہوا

aghosh mein jo jalwa gar ik naznin hua

angushtari bana mira tan wo nagin hua

raunaq faza lahad pe jo wo mah jabin hua

gumbad hamari qabr ka charkh-e-barin hua

kanda jahan mein koi na aisa nagin hua

jaisa ke tera nam mire dil nashin hua

raushan hua ye mujh pe ke fanus mein hai shama

hath us ka jalwa gar jo tah-e-astin hua

rakhta hai khak par wo qadam jab ke naz se

kahta hai asman na kyun main zamin hua

raushan shabab mein jo hui shama ru-e-yar

dud-e-charagh-e-husn khat ambarin hua

ya rab gira adu pe amanat ke to wo barq

do tukre jis se shahpar-e-ruh-e-alamin hua