آفتاب اب نہیں نکلنے کا

آفتاب اب نہیں نکلنے کا

دور آیا شراب ڈھلنے کا

سانپ کہتے ہیں زلف کو شاعر

کام کرتے ہیں منہ کچلنے کا

لاکھ ہم چکنی چپڑی بات کریں

ان کا دل اب نہیں پھسلنے کا

صفت لب میں شعر کہتے ہیں

اب ارادہ ہے لعل اگلنے کا

کوٹتے ہیں جو اپنا ہم سینہ

ہے عوض چھاتیاں مسلنے کا

کیوں نہ ہر طرز میں ہو بات نئی

پاں ہے قابو زباں بدلنے کا

ایک بوسے کی بھی جمائے اب

قصد ہے ان کو مسی ملنے کا

نخل ماتم کے سائے میں نہ ٹھہر

ہے مسافر جو قصد چلنے کا

چشم پوشی سے طفل اشک اپنا

ڈھنگ سیکھا ہے اب مچلنے کا

حفظ تیر نگہ ہے عین خطا

نہیں پیغام موت ٹلنے کا

ہم بھی کھیلا کریں گے جان پر اب

شغل اچھا ہے دل بہلنے کا

مہرؔ حربا سے دوستی تا چند

غم نہیں رنگ کے بدلنے کا

aftab ab nahin nikalne ka

dur aya sharab dhalne ka

sanp kahte hain zulf ko shayar

kam karte hain munh kuchalne ka

lakh ham chukni chupri bat karen

un ka dil ab nahin phisalne ka

sifat lab mein sher kahte hain

ab irada hai laal ugalne ka

kutte hain jo apna ham sina

hai ewaz chhatiyan masalne ka

kyun na har tarz mein ho bat nai

pan hai qabu zaban badalne ka

ek bose ki bhi jamae ab

qasd hai un ko missi milne ka

nakhl-e-matam ke sae mein na thahar

hai musafir jo qasd chalne ka

chashm-e-poshi se tifl-e-ashk apna

dhang sikha hai ab machalne ka

hifz-e-tir-e-nigah hai ain khata

nahin paigham maut talne ka

ham bhi khela karenge jan par ab

shaghl achchha hai dil bahalne ka

mehr hirba se dosti ta chand

gham nahin rang ke badalne ka