خود غلط وہ قول و فعل ان کا غلط

خود غلط وہ قول و فعل ان کا غلط

خط غلط انشا غلط املا غلط

رو دیا سچے نے جھوٹے کے حضور

جو صحیح در است تھا ٹھہرا غلط

دیر کی لی راہ مسجد چھوڑ کر

عاشق بت کر گیا رستہ غلط

بات پیشانی کی پیش آتی ہے یار

ہو نہ قسمت کا کبھی لکھا غلط

خط ہے طوطی آئنہ ہے روئے یار

اے وقارؔ اس میں نہیں اصلا غلط

khud ghalat wo qaul-o-fel un ka ghalat

khat ghalat insha ghalat imla ghalat

ro diya sachche ne jhute ke huzur

jo sahih dar ast tha thahra ghalat

der ki li rah masjid chhor kar

ashiq-e-but kar gaya rasta ghalat

bat peshani ki pesh ati hai yar

ho na qismat ka kabhi likha ghalat

khat hai tuti aina hai ru-e-yar

ai waqar is mein nahin aslan ghalat