خوب ہاتھوں ہاتھ بدلہ مل گیا بیداد کا

خوب ہاتھوں ہاتھ بدلہ مل گیا بیداد کا

آشیاں میرا جلا گھر جل گیا صیاد کا

یہ خلاصہ مختصر ہے عشق کی روداد کا

شوق ہے ان کو ستانے کا ہمیں فریاد کا

ہر گرفتار قفس قیدی ہے بے میعاد کا

چھوڑ بھی دیتا ہے جی چاہے اگر صیاد کا

واہ مجھ ایسے مقید کو لقب آنراء کا

مصلحت صیاد کی ہے یا کرم صیاد کا

اب کیا کرتا ہے ماتم بلبل ناشاد کا

دل لرزتا ہے تقیہ دیکھ کر صیاد کا

حشر اس دن دیکھنا ہر بانیٔ بیداد کا

جب زمیں تانبے کی ہوگی آسماں فولاد کا

کیا مری فریاد کا ان پر اثر ہوتا نہیں

جو انہیں معلوم ہو جاتا سبب فریاد کا

کہتے ہیں بے قاعدہ فریاد ہم سنتے نہیں

پھر بتاتے بھی نہیں وہ قاعدہ فریاد کا

ایک خودبیں کو ہوا جس وقت خود بینی کا شوق

بن گیا منڈان سارے عالم ایجاد کا

کچھ مری فریاد بھی ان پر اثر کرتی نہیں

اور کچھ وہ بھی اثر لیتے نہیں فریاد کا

عاشقی سر پھوڑ لینے کے سوا کچھ بھی نہیں

ہم تو یہ سمجھے ہیں سن کر ماجرا فرہاد کا

دام کا کیا ذکر ہے میں بندۂ بے دام ہوں

شامت آئی پھنس گیا منہ دیکھ کر صیاد کا

انتظام آب و دانہ ہے نہ تنظیم قفس

مجھ سے پوچھو بولتا شہکار ہوں صیاد کا

نالہ و فریاد بہر عیش ہو جب اے صفیؔ

پھر کہاں تاثیر نالے کی اثر فریاد کا

khub hathon hath badla mil gaya bedad ka

ashiyan mera jala ghar jal gaya sayyad ka

ye khulasa mukhtasar hai ishq ki rudad ka

shauq hai un ko satane ka hamen fariyad ka

har giraftar-e-qafas qaidi hai be miad ka

chhor bhi deta hai ji chahe agar sayyad ka

wah mujh aise muqayyad ko laqab anra ka

maslahat sayyad ki hai ya karam sayyad ka

ab kiya karta hai matam bulbul-e-nashad ka

dil larazta hai taqayya dekh kar sayyad ka

hashr us din dekhna har bani-e-bedad ka

jab zamin tanbe ki hogi asman faulad ka

kya miri fariyad ka un pur asar hota nahin

jo unhen maalum ho jata sabab fariyad ka

kahte hain be qaida fariyad ham sunte nahin

phir batate bhi nahin wo qaida fariyad ka

ek khudbin ko hua jis waqt-e-khud bini ka shauq

ban gaya mandan sare alam-e-ijad ka

kuchh miri fariyad bhi un pur asar karti nahin

aur kuchh wo bhi asar lete nahin fariyad ka

ashiqi sar phor lene ke siwa kuchh bhi nahin

ham to ye samjhe hain sun kar majra farhad ka

dam ka kya zikr hai main banda-e-be dam hun

shamat ai phans gaya munh dekh kar sayyad ka

intizam-e-ab-o-dana hai na tanzim-e-qafas

mujh se puchho bolta shahkar hun sayyad ka

nala-o-fariyad bahr-e-aish ho jab ai safi

phir kahan tasir nale ki asar fariyad ka