خوبان فسوں گر سے ہم الجھا نہیں کرتے

خوبان فسوں گر سے ہم الجھا نہیں کرتے

جادو گروں کی زلف میں لٹکا نہیں کرتے

ڈرتے ہیں کہ نالوں سے قیامت نہ مچا دوں

اس خوف سے وہ وعدۂ فردا نہیں کرتے

برباد ہیں لیکن نہیں یاروں سے مکدر

گو خاک ہیں پر دل کبھی میلا نہیں کرتے

اقرار شفا کرتے ہیں پر رکھتے ہیں بیمار

اچھا جو وہ کہتے ہیں کچھ اچھا نہیں کرتے

سورج ہیں کبھی چاند کبھی شمع کبھی پھول

کس روز نئے روپ وہ بدلا نہیں کرتے

دل سے ہوں منیرؔ اپنے میں استاد کا عاشق

توقیر و رعایت مری کیا کیا نہیں کرتے

khuban-e-fusun gar se ham uljha nahin karte

jadu garon ki zulf mein latka nahin karte

darte hain ke nalon se qayamat na macha dun

is khauf se wo waada-e-farda nahin karte

barbad hain lekin nahin yaron se mukaddar

go khak hain par dil kabhi maila nahin karte

iqrar-e-shifa karte hain par rakhte hain bimar

achchha jo wo kahte hain kuchh achchha nahin karte

suraj hain kabhi chand kabhi shama kabhi phul

kis roz nae rup wo badla nahin karte

dil se hun munir apne mein ustad ka ashiq

tauqir-o-riayat miri kya kya nahin karte