خواریاں بدنامیاں رسوائیاں

خواریاں بدنامیاں رسوائیاں

عشق نے شکلیں یہ سب دکھلائیاں

وہ ہی کیں باتیں جو تجھ کو بھائیاں

بل بے اے ظالم تری خودرائیاں

مر گئے لاکھوں ہی اور پروانہ کی

کیا کہوں میں اس کی بے پروائیاں

ایک صورت کے لیے اس عشق میں

سیکڑوں صورت کی ہیں رسوائیاں

شوق میں آغوش تیغ ناز کے

زخم دل لیتے ہیں سب انگڑائیاں

ہم سے پوچھے کوئی عزلت کا مزہ

گوشۂ صحرا ہے اور تنہائیاں

دل مشبک صورت بادام ہے

برچھیاں پلکوں کی کس کی کھائیاں

خانۂ دل پر ہمارے یا نصیب

بادلوں نے بجلیاں برسائیاں

مصحفیؔ بھی ہے پھنکیتوں میں میاں

یاد ہیں اس کو بھی کتنی گھائیاں

khwariyan badnamiyan ruswaiyan

ishq ne shaklen ye sab dukhlaiyan

wo hi kin baten jo tujh ko bhaiyan

bal be ai zalim tiri khudraiyan

mar gae lakhon hi aur parwana ki

kya kahon main us ki be purwaiyan

ek surat ke liye is ishq mein

saikron surat ki hain ruswaiyan

shauq mein aghosh-e-tegh-e-naz ke

zakhm-e-dil lete hain sab angraiyan

ham se puchhe koi uzlat ka maza

gosha-e-sahra hai aur tanhaiyan

dil mushabbak surat-e-badam hai

barchhiyan palkon ki kis ki khaiyan

khana-e-dil par hamare ya nasib

badalon ne bijliyan barsaiyan

mushafi bhi hai phinkitun mein miyan

yad hain us ko bhi kitni ghayan