خواب تھا یا خیال تھا کیا تھا

خواب تھا یا خیال تھا کیا تھا

ہجر تھا یا وصال تھا کیا تھا

میرے پہلو میں رات جا کر وہ

ماہ تھا یا ہلال تھا کیا تھا

چمکی بجلی سی پر نہ سمجھے ہم

حسن تھا یا جمال تھا کیا تھا

شب جو دل دو دو ہاتھ اچھلتا تھا

وجد تھا یا وہ حال تھا کیا تھا

جس کو ہم روز ہجر سمجھے تھے

ماہ تھا یا وہ سال تھا کیا تھا

مصحفیؔ شب جو چپ تو بیٹھا تھا

کیا تجھے کچھ ملال تھا کیا تھا

khwab tha ya khayal tha kya tha

hijr tha ya wisal tha kya tha

mere pahlu mein rat ja kar wo

mah tha ya hilal tha kya tha

chamki bijli si par na samjhe ham

husn tha ya jamal tha kya tha

shab jo dil do do hath uchhalta tha

wajd tha ya wo hal tha kya tha

jis ko ham roz hijr samjhe the

mah tha ya wo sal tha kya tha

mushafi shab jo chup to baitha tha

kya tujhe kuchh malal tha kya tha