خود دل میں رہ کے آنکھ سے پردا کرے کوئی

خود دل میں رہ کے آنکھ سے پردا کرے کوئی

ہاں لطف جب ہے پا کے بھی ڈھونڈا کرے کوئی

تم نے تو حکم ترک تمنا سنا دیا

کس دل سے آہ ترک تمنا کرے کوئی

دنیا لرز گئی دل حرماں نصیب کی

اس طرح ساز عیش نہ چھیڑا کرے کوئی

مجھ کو یہ آرزو وہ اٹھائیں نقاب خود

ان کو یہ انتظار تقاضا کرے کوئی

رنگینی نقاب میں گم ہو گئی نظر

کیا بے حجابیوں کا تقاضا کرے کوئی

khud dil mein rah ke ankh se parda kare koi

han lutf jab hai pa ke bhi dhunda kare koi

tum ne to hukm tark-e-tamanna suna diya

kis dil se ah tark-e-tamanna kare koi

duniya laraz gai dil-e-hirman nasib ki

is tarah saz-e-aish na chhera kare koi

mujh ko ye arzu wo uthaen naqab-e-khud

un ko ye intizar taqaza kare koi

rangini-e-naqab mein gum ho gai nazar

kya be hijabiyon ka taqaza kare koi