خود اٹھ کے ہاتھ میرے گریباں میں آ گئے

خود اٹھ کے ہاتھ میرے گریباں میں آ گئے

شاید قدم جنوں کے گلستاں میں آ گئے

اس کے سوا بتائیں اسیری کا کیا سبب

گھبرائے انجمن سے تو زنداں میں آ گئے

کیا ہوگا چار پھولوں سے اے موسم بہار

یہ تو ہمارے گوشۂ داماں میں آ گئے

جوش بہار اور یہ بے اختیاریاں

سوئے چمن چلے تھے بیاباں میں آ گئے

سیمابؔ کبر و ناز کا انجام کچھ نہ پوچھ

سب رفتہ رفتہ گور غریباں میں آ گئے

khud uth ke hath mere gareban mein a gae

shayad qadam junun ke gulistan mein a gae

us ke siwa bataen asiri ka kya sabab

ghabrae anjuman se to zindan mein a gae

kya hoga char phulon se ai mausam-e-bahar

ye to hamare gosha-e-daman mein a gae

josh-e-bahar aur ye be ikhtiyariyan

su-e-chaman chale the bayaban mein a gae

simab kibr-o-naz ka anjam kuchh na puchh

sab rafta rafta gor-e-ghariban mein a gae