خوب رو خوب کام کرتے ہیں

خوب رو خوب کام کرتے ہیں

یک نگہ میں غلام کرتے ہیں

دیکھ خوباں کوں وقت ملنے کے

کس ادا سوں سلام کرتے ہیں

کیا وفادار ہیں کہ ملنے میں

دل سوں سب رام رام کرتے ہیں

کم نگاہی سوں دیکھتے ہیں ولے

کام اپنا تمام کرتے ہیں

کھولتے ہیں جب اپنی زلفاں کوں

صبح عاشق کوں شام کرتے ہیں

صاحب لفظ اس کوں کہہ سکیے

جس سوں خوباں کلام کرتے ہیں

دل لجاتے ہیں اے ولیؔ میرا

سرو قد جب خرام کرتے ہیں

khub ru khub kam karte hain

yak nigah mein ghulam karte hain

dekh khuban kun waqt milne ke

kis ada sun salam karte hain

kya wafadar hain ke milne mein

dil sun sab ram ram karte hain

kam nigahi sun dekhte hain wale

kam apna tamam karte hain

kholte hain jab apni zulfan kun

subh ashiq kun sham karte hain

sahab-e-lafz is kun kah sakiye

jis sun khuban kalam karte hain

dil lajate hain ai wali mera

sarw qad jab khiram karte hain