خوش طالعی میں شمس و قمر دونوں ایک ہیں

خوش طالعی میں شمس و قمر دونوں ایک ہیں

دن رات کا تو فرق ہے پر دونوں ایک ہیں

خواہی میں روؤں لخت جگر خواہ اشک صرف

آنکھوں میں میری لعل و گہر دونوں ایک ہیں

دیجور میں کسے ہے سپید و سیہ کا فرق

زندانیوں کو شام و سحر دونوں ایک ہیں

کہنے کو گرچہ ہاتھ جدا ہیں مرے ولے

ہونے کو اس کا طوق و کمر دونوں ایک ہیں

خواہی تو چشم چپ سے در آ خواہ راست ہے

آنے کو گھر میں دل کے یہ در دونوں ایک ہیں

جو قلزم فنا کا مسافر ہوا اسے

باد مراد و موج خطر دونوں ایک ہیں

میں جل رہا ہوں ان کے تو ہاتھوں سے کچھ نہ پوچھ

اے مصحفیؔ یہ دیدۂ تر دونوں ایک ہیں

khush talii mein shams-o-qamar donon ek hain

din rat ka to farq hai par donon ek hain

khwahi mein roun lakht-e-jigar khwah ashk sirf

ankhon mein meri laal-o-guhar donon ek hain

dijaur mein kise hai saped-o-siyah ka farq

zindaniyon ko sham-o-sahar donon ek hain

kahne ko garche hath juda hain mire wale

hone ko us ka tauq-o-kamar donon ek hain

khwahi to chashm-e-chup se dar a khwah rast hai

ane ko ghar mein dil ke ye dar donon ek hain

jo qulzum-e-fana ka musafir hua use

bad-e-murad-o-mauj-e-khatar donon ek hain

main jal raha hun un ke to hathon se kuchh na puchh

ai mushafi ye dida-e-tar donon ek hain