خورشید رو کی صحبت جو اب نہیں تو پھر کب

خورشید رو کی صحبت جو اب نہیں تو پھر کب

شبنم کی طرح قربت جو اب نہیں تو پھر کب

ذرے کی طرح مجھ پر اک مہر کی نظر کر

دیکھے وہ مہر طلعت جو اب نہیں تو پھر کب

جوڑا ہے زعفرانی اس گل بدن کے بر میں

خوش ہو مری طبیعت جو اب نہیں تو پھر کب

آلودہ دامنی کو دھونے کو منتظر ہوں

بارش دے ابر رحمت جو اب نہیں تو پھر کب

اس باغ میں دو روزہ ہے عشق زندگانی

گل کی طرح بشاشت جو اب نہیں تو پھر کب

khurshid ru ki sohbat jo ab nahin to phir kab

shabnam ki tarah qurbat jo ab nahin to phir kab

zarre ki tarah mujh par ik mehr ki nazar kar

dekhe wo mehr talat jo ab nahin to phir kab

jora hai zafrani us gul badan ke bar mein

khush ho miri tabiat jo ab nahin to phir kab

aluda damani ko dhone ko muntazir hun

barish de abr-e-rahmat jo ab nahin to phir kab

is bagh mein do roza hai ishq zindagani

gul ki tarah bashashat jo ab nahin to phir kab