آشوب حسن کی بھی کوئی داستاں رہے

آشوب حسن کی بھی کوئی داستاں رہے

مٹنے کو یوں مٹیں کہ ابد تک نشاں رہے

طوف حرم میں یا سر کوئے بتاں رہے

اک برق اضطراب رہے ہم جہاں رہے

ان کی تجلیوں کا بھی کوئی نشاں رہے

ہر ذرہ میری خاک کا آتش بجاں رہے

کیا کیا ہیں درد عشق کی فتنہ طرازیاں

ہم التفات خاص سے بھی بدگماں رہے

میرے سرشک خوں میں ہے رنگینئ حیات

یا رب فضائے حسن ابد تک جواں رہے

میں رازدار حسن ہوں تم رازدار عشق

لیکن یہ امتیاز بھی کیوں درمیاں رہے

ashob-e-husn ki bhi koi dastan rahe

mitne ko yun miten ke abad tak nishan rahe

tauf-e-haram mein ya sar-e-ku-e-butan rahe

ik barq iztirab rahe ham jahan rahe

un ki tajalliyon ka bhi koi nishan rahe

har zarra meri khak ka atish bajan rahe

kya kya hain dard-e-ishq ki fitna taraziyan

ham iltifat khas se bhi badguman rahe

mere sarishk-e-khun mein hai rangini-e-hayat

ya rab faza-e-husn abad tak jawan rahe

main razdar-e-husn hun tum razdar-e-ishq

lekin ye imtiyaz bhi kyun darmiyan rahe