جگر تھامے ہوئے یاں طالب دیدار بیٹھے ہیں

جگر تھامے ہوئے یاں طالب دیدار بیٹھے ہیں

مزے واں لوٹنے کو بزم میں اغیار بیٹھے ہیں

فقط اتنا کہا تھا تم ذرا صورت دکھا جاؤ

یہ سن کر آج مجھ سے وہ بہت بیزار بیٹھے ہیں

محبت ان سے کیا کی لے لیا کوہ الم سر پر

مجھے بدنام کرنے کو سر بازار بیٹھے ہیں

ذرا مقتل میں تم آ کر نکالو اپنے خنجر کو

یہاں ہم قتل ہونے کے لئے تیار بیٹھے ہیں

چلا تو ہے عزیزؔ ان کی گلی میں شوق سے لیکن

قدم رکھنا سنبھل کر وہ بنے عیار بیٹھے ہیں

jigar thame hue yan talib-e-didar baithe hain

maze wan lautne ko bazm mein aghyar baithe hain

faqat itna kaha tha tum zara surat dikha jao

ye sun kar aj mujh se wo bahut bezar baithe hain

mohabbat un se kya ki le liya koh-e-alam sar par

mujhe badnam karne ko sar-e-bazar baithe hain

zara maqtal mein tum a kar nikalo apne khanjar ko

yahan ham qatl hone ke liye tayyar baithe hain

chala to hai aziz un ki gali mein shauq se lekin

qadam rakhna sambhal kar wo bane ayyar baithe hain