جوں سبزہ رہے اگتے ہی پیروں کے تلے ہم

جوں سبزہ رہے اگتے ہی پیروں کے تلے ہم

برسات کے موسم میں بھی پھولے نہ پھلے ہم

محروم چمن مرغ قفس بند ازل ہیں

صیاد کے پنجرے میں ہیں بچپن سے پلے ہم

جب غیر سے ہوتا ہے وہ سفاک بغل گیر

تیغ صفہانی کو لگاتے ہیں گلے ہم

چکی کی طرح چرخ نے پیسا تو ہمیں کو

دانا ہیں زمانے کے گئے اس سے ولی ہم

یہ شوق شہادت ہے جو تیغ اس نے علم کی

گردن کو جھکائے ہوئے صیاد چلے ہم

وہ مست ہیں جب در پہ اڑے پیر مغاں کے

بے مے کے پیے پھر نہیں ٹالے سے ٹلے ہم

ابرو کی ہوا بھی نہ لگی بو الہوسوں کو

اس تیغ کی روز آنچ میں بے آب جلے ہم

کچھ غم نہیں بت سمجھیں بد و نیک جو چاہیں

اللہ کے بندے ہیں برے ہیں کہ بھلے ہم

jun sabza rahe ugte hi pairon ke tale ham

barsat ke mausam mein bhi phule na phale ham

mahrum-e-chaman murgh-e-qafas band-e-azal hain

sayyad ke pinjre mein hain bachpan se pale ham

jab ghair se hota hai wo saffak baghal gir

tegh suffaani ko lagate hain gale ham

chuki ki tarah charkh ne pisa to hamen ko

dana hain zamane ke gae us se wali ham

ye shauq-e-shahadat hai jo tegh us ne alam ki

gardan ko jhukae hue sayyad chale ham

wo mast hain jab dar pe ure pir-e-mughan ke

be mai ke piye phir nahin tale se tale ham

abru ki hawa bhi na lagi bu-e-ilahosun ko

is tegh ki roz anch mein be ab jale ham

kuchh gham nahin but samjhen bad-o-nek jo chahen

allah ke bande hain bure hain ke bhale ham