جھوٹ سچ آپ تو الزام دیئے جاتے ہیں

جھوٹ سچ آپ تو الزام دیئے جاتے ہیں

بات سنتے نہیں دشنام دیئے جاتے ہیں

ترچھی نظروں سے کئے اس نے بہت دل زخمی

تیر ٹیڑھے مگر کام دیئے جاتے ہیں

کہہ گیا یہ بھی کوئی روٹھ کے جانے والا

ہم تجھے موت کا پیغام دیئے جاتے ہیں

پاسبان جاگ اٹھیں وہ تو انہیں دے دینا

لکھ کے کاغذ پہ یہ اک نام دیئے جاتے ہیں

آپ کے لطف و عنایت کا یہی ہے بدلہ

غم لئے جاتے ہیں آرام دیئے جاتے ہیں

دل ہوا جان ہوئی ان کی بھلا کیا قیمت

ایسی چیزوں کے کہیں دام دیئے جاتے ہیں

تیر قاتل کو کلیجے سے لگا رکھا ہے

ہم تو دشمن کو بھی آرام دیئے جاتے ہیں

کام آ جائے گا دشمن کی محبت میں کبھی

احتیاطاً دل ناکام دیئے جاتے ہیں

اب تو کھل کھیلے وہ بیخودؔ سے خدا خیر کرے

اب تو خود بھر کے اسے جام دیئے جاتے ہیں

jhut sach ap to ilzam diye jate hain

bat sunte nahin dushnam diye jate hain

tirchhi nazron se kiye us ne bahut dil zakhmi

tir terhe magar kam diye jate hain

kah gaya ye bhi koi ruth ke jane wala

ham tujhe maut ka paigham diye jate hain

pasban jag uthen wo to unhen de dena

likh ke kaghaz pe ye ik nam diye jate hain

ap ke lutf-o-inayat ka yahi hai badla

gham liye jate hain aram diye jate hain

dil hua jan hui un ki bhala kya qimat

aisi chizon ke kahin dam diye jate hain

tir-e-qatil ko kaleje se laga rakha hai

ham to dushman ko bhi aram diye jate hain

kam a jaega dushman ki mohabbat mein kabhi

ehtiyatan dil-e-nakam diye jate hain

ab to khul khele wo bekhud se khuda khair kare

ab to khud bhar ke use jam diye jate hain