جوں ہی زنجیر کے پاس آئے پاؤں

جوں ہی زنجیر کے پاس آئے پاؤں

دیکھ اس کو مرے تھرائے پاؤں

خط کا لایا نہ ادھر سے وہ جواب

یوں ہی قاصد کے میں تھکوائے پاؤں

بد گمانی نہ ہو عاشق کی زیاد

اس نے شب غیر سے دبوائے پاؤں

ہاتھ سے یار کا دامن دے کر

ہر طرف پھرتے ہیں گھبرائے پاؤں

نجد کا دیکھ کے صحرائے وسیع

آتے ہی قیس نے پھیلائے پاؤں

خوش خرامی ہے صنم! تجھ پر ختم

کبک و طوطی نے یہ کب پائے پاؤں

تو تو سوتا رہا عاشق نے ترے

رات بھر آنکھوں سے سہلائے پاؤں

مجھ مسافر کے کسی نے ہرگز

گرم پانی سے نہ دھلوائے پاؤں

مصحفیؔ ہم کو طرب سے کیا کام

بیٹھے ہیں گور میں لٹکائے پاؤں

jun hi zanjir ke pas ae paon

dekh us ko mire tharrae paon

khat ka laya na idhar se wo jawab

yun hi qasid ke main thakwae paon

bad gumani na ho ashiq ki ziyad

us ne shab ghair se dabwae paon

hath se yar ka daman de kar

har taraf phirte hain ghabrae paon

najd ka dekh ke sahra-e-wasi

ate hi qais ne phailae paon

khush khirami hai sanam! tujh par khatm

kabk-o-tuti ne ye kab pae paon

tu to sota raha ashiq ne tire

rat bhar ankhon se sehlae paon

mujh musafir ke kisi ne hargiz

garm pani se na dhulwae paon

mushafi ham ko tarab se kiya kam

baithe hain gor mein latkae paon