جھکی نگہ میں ہے ڈھب پرسش نہانی کا

جھکی نگہ میں ہے ڈھب پرسش نہانی کا

حیا میں زور دیا رنگ مہربانی کا

جئے ہیں گرم نفس سوز سے کہ بہر چراغ

کرے ہے شعلہ ہی کام آب زندگانی کا

تبسم لب غنچہ کو دیکھ روتا ہوں

کہ ٹھیک رنگ ہے اس خندۂ نہانی کا

کہاں سے زور دل و سینہ و جگر لاؤں

تمہیں تو کھیل لگا ہاتھ تیغ رانی کا

الٰہی جیب کہ دامن کہ آستیں دھوؤں

مژہ نے سیکھ لیا شغل خوں فشانی کا

نہیں بچا مرض عشق سے کوئی ممنوںؔ

ہمیں دریغ بہت ہے تری جوانی کا

jhuki nigah mein hai dhab pursish-e-nihani ka

haya mein zor diya rang mehrbani ka

jiye hain garm nafas soz se ke bahr-e-charagh

kare hai shola hi kam ab-e-zindagani ka

tabassum-e-lab ghuncha ko dekh rota hun

ke thik rang hai is khanda-e-nihani ka

kahan se zor-e-dil-o-sina-o-jigar laun

tumhen to khel laga hath tegh rani ka

ilahi jeb ke daman ke astin dhoun

mizha ne sikh liya shaghl-e-khun fishani ka

nahin bacha maraz-e-ishq se koi mamnun

hamen daregh bahut hai tiri jawani ka