جوں گل تو ہنسے ہے کھل کھلا کر

جوں گل تو ہنسے ہے کھل کھلا کر

شبنم کی طرح مجھے رلا کر

مہمان ہو یا کہ یاں تو آ کر

یا رکھ مجھے اپنے ہاں بلا کر

در پر تیرے ہم نے خاک چھانی

نقد دل خاک میں ملا کر

مانوس نہ تھا وہ بت کسو سے

ٹک رام کیا خدا خدا کر

کن نے کہا اور سے نہ مل تو

پر ہم سے بھی کبھو ملا کر

گو زیست سے ہیں ہم آپ بیزار

اتنا پہ نہ جان سے خفا کر

کچھ بے اثروں کو بھی اثر ہو

اتنی تو بھلا اثرؔ دعا کر

jun gul to hanse hai khul khula kar

shabnam ki tarah mujhe rula kar

mehman ho ya ke yan to a kar

ya rakh mujhe apne han bala kar

dar par tere ham ne khak chhani

naqd-e-dil khak mein mila kar

manus na tha wo but kisu se

tuk ram kiya khuda khuda kar

kin ne kaha aur se na mil to

par ham se bhi kabhu mila kar

go zist se hain ham ap bezar

itna pe na jan se khafa kar

kuchh be asron ko bhi asar ho

itni to bhala asar dua kar