جوں عبرت کور جلوہ گر ہوں

جوں عبرت کور جلوہ گر ہوں

البتہ کچھ ہوں میں پر کدھر ہوں

جوں شیشہ بھرا ہوں مے سے لیکن

مستی سے میں اپنی بے خبر ہوں

جو کہئے سو یاں سے ہے فروتر

کیا جانے میں کس مقام پر ہوں

اے صبر تنک تو رہ کہ تجھ سے

دو چار قدم میں پیشتر ہوں

چل دامن و آستیں تجھے کیا

لب خشک ہوں یا میں چشم تر ہوں

اے بخت سعید تیری دولت

اک یمن قدم سے ہوں جدھر ہوں

پروانے کی شب کی شام ہوں میں

یا روز کی شمع کی سحر ہوں

جی مانگے ہے خوش دلی کو قائمؔ

تو بیٹھ کے رو میں نوحہ گر ہوں

jun ibrat kor jalwa gar hun

albuta kuchh hun main par kidhar hun

jun shisha bhara hun mai se lekin

masti se main apni be khabar hun

jo kahiye so yan se hai farotar

kya jane mein kis maqam par hun

ai sabr tunuk to rah ke tujh se

do char qadam mein peshtar hun

chal daman-o-astin tujhe kya

lab khushk hun ya main chashm-e-tar hun

ai bakht-e-said teri daulat

ik yaman-e-qadam se hun jidhar hun

parwane ki shab ki sham hun main

ya roz ki shama ki sahar hun

ji mange hai khush dili ko qaim

tu baith ke rau mein nauha gar hun