جوں گل ازبسکہ جنوں ہے مرا سامان کے سات

جوں گل ازبسکہ جنوں ہے مرا سامان کے سات

چاک کرتا ہوں میں سینے کو گریبان کے سات

چشم تر ہیں مری صحرا ہے جنوں کی ممنوں

ربط ہے رونے کوں میرے اسی دامان کے سات

بے خودی کا ہے مزہ شور اسیری سے مجھے

رنگ اڑے ہے مرا زنجیر کی افغان کے سات

جوں بگولہ ہوں میں منت کش صحرا گردی

زندگانی ہے مری سیر بیابان کے سات

عزلتؔ اس باغ میں لالہ سا ہوں میں درد نصیب

دل زخمی سے اگا داغ نمک دان کے سات

jun gul azbaskeh junun hai mira saman ke sat

chak karta hun main sine ko gareban ke sat

chashm-e-tar hain miri sahra hai junun ki mamnun

rabt hai rone kun mere isi daman ke sat

be khudi ka hai maza shor-e-asiri se mujhe

rang ure hai mira zanjir ki afghan ke sat

jun bagula hun main minnat kash-e-sahra gardi

zindagani hai miri sair bayaban ke sat

uzlat is bagh mein lala sa hun main dard nasib

dil-e-zakhmi se uga dagh namak dan ke sat