جوں ذرہ نہیں ایک جگہ خاک نشیں ہم

جوں ذرہ نہیں ایک جگہ خاک نشیں ہم

اے مہر جہاں تاب جہاں تو ہے وہیں ہم

شب حلقۂ رنداں میں عجب سیر تھی ساقی

ساغر کو سمجھتے تھے مہ ہالا نشیں ہم

سیتے ہیں سدا رشک اتوے قلمی دیکھ

ہر تار سرشک اپنے سے دامان زمیں ہم

اے رشک نسیم سحری کیوں ہے مکدر

گلشن میں تجھے دیکھتے ہیں چیں بہ جبیں ہم

برپا نہ کہیں کیجے اب شور قیامت

وحشت زدہ اے خانۂ زنجیر نہیں ہم

سر رشتہ رہ عشق کا اب ہاتھ لگا ہے

جوں دانۂ تسبیح نہ ٹھہریں گے کہیں ہم

لے کر مہ و خورشید کی پھر تیغ و سپر کو

اے چرخ تجھے جانتے ہیں بر سر کیں ہم

یک دست اٹھا لیویں گے اس صفحۂ دل پر

نقش قدم یار کو جوں نقش و نگیں ہم

عیسیٰ نفس اب جلد پہنچ تو کہ ہیں تجھ بن

مہمان کوئی دم کے دم باز پسیں ہم

کھو بیٹھے ہیں اس عشق کے ہاتھوں سے نصیرؔ اب

ہوش و خرد و صبر و قرار و دل و دیں ہم

jun zarra nahin ek jagah khak nashin ham

ai mehr-e-jahan tab jahan to hai wahin ham

shab halqa-e-rindan mein ajab sair thi saqi

saghar ko samajhte the mah hala nashin ham

saite hain sada rashk-e-atwe qalmi dekh

har tar-e-sarishk apne se daman-e-zamin ham

ai rashk-e-nasim-e-sahari kyun hai mukaddar

gulshan mein tujhe dekhte hain chin ba jabin ham

barpa na kahin kije ab shor-e-qayamat

wahshat zada ai khana-e-zanjir nahin ham

sar rishta rah ishq ka ab hath laga hai

jun dana-e-tasbih na thahrenge kahin ham

le kar mah-o-khurshid ki phir tegh-o-sipar ko

ai charkh tujhe jante hain bar sar-e-kin ham

yak dast utha lewenge is safha-e-dil par

naqsh-e-qadam yar ko jun naqsh-o-nagin ham

isa nafas ab jald pahunch to ke hain tujh bin

mehman koi dam ke dam baz pisen ham

kho baithe hain is ishq ke hathon se nasir ab

hosh-o-khirad-o-sabr-o-qarar-o-dil-o-din ham