جگ میں آ کر ادھر ادھر دیکھا

جگ میں آ کر ادھر ادھر دیکھا

تو ہی آیا نظر جدھر دیکھا

جان سے ہو گئے بدن خالی

جس طرف تو نے آنکھ بھر دیکھا

نالہ فریاد آہ اور زاری

آپ سے ہو سکا سو کر دیکھا

ان لبوں نے نہ کی مسیحائی

ہم نے سو سو طرح سے مر دیکھا

زور عاشق مزاج ہے کوئی

دردؔ کو قصہ مختصر دیکھا

jag mein a kar idhar idhar dekha

tu hi aya nazar jidhar dekha

jan se ho gae badan khali

jis taraf tu ne ankh bhar dekha

nala fariyad ah aur zari

ap se ho saka so kar dekha

un labon ne na ki masihai

ham ne sau sau tarah se mar dekha

zor ashiq mizaj hai koi

dard ko qissa mukhtasar dekha