حادثے زیست کی توقیر بڑھا دیتے ہیں

حادثے زیست کی توقیر بڑھا دیتے ہیں

اے غم یار تجھے ہم تو دعا دیتے ہیں

تیرے اخلاص کے افسوں ترے وعدوں کے طلسم

ٹوٹ جاتے ہیں تو کچھ اور مزا دیتے ہیں

کوئے محبوب سے چپ چاپ گزرنے والے

عرصۂ زیست میں اک حشر اٹھا دیتے ہیں

ہاں یہی خاک بسر سوختہ ساماں اے دوست

تیرے قدموں میں ستاروں کو جھکا دیتے ہیں

سینہ چاکان محبت کو خبر ہے کہ نہیں

شہر خوباں کے در و بام صدا دیتے ہیں

ہم نے اس کے لب و رخسار کو چھو کر دیکھا

حوصلے آگ کو گلزار بنا دیتے ہیں

hadse zist ki tauqir barha dete hain

ai gham-e-yar tujhe ham to dua dete hain

tere ikhlas ke afsun tire waadon ke tilism

tut jate hain to kuchh aur maza dete hain

ku-e-mahbub se chup chap guzarne wale

arsa-e-zist mein ik hashr utha dete hain

han yahi khak basar sokhta saman ai dost

tere qadmon mein sitaron ko jhuka dete hain

sina chakan-e-mohabbat ko khabar hai ke nahin

shahr-e-khuban ke dar-o-bam-e-sada dete hain

ham ne us ke lab-o-rukhsar ko chhu kar dekha

hausle ag ko gulzar bana dete hain