حال اب تنگ ہے زمانے کا

حال اب تنگ ہے زمانے کا

رنگ بے رنگ ہے زمانے کا

نہیں کوتاہ اس کا دست طلب

یہ گدا ننگ ہے زمانے کا

ایک دم چین سے نہ کوئی رہے

یہی آہنگ ہے زمانے کا

سرکشوں کا رہا نہ نام و نشاں

زور سر چنگ ہے زمانے کا

اے جفا کار دہر میں تجھ بن

کون ہم سنگ ہے زمانے کا

جھوٹ میں نے کہا ترے ہاتھوں

قافیہ تنگ ہے زمانے کا

چل نکل جلد یاں سے اے ؔجوشش

ڈھنگ بے ڈھنگ ہے زمانے کا

hal ab tang hai zamane ka

rang be rang hai zamane ka

nahin kotah us ka dast-e-talab

ye gada nang hai zamane ka

ek dam chain se na koi rahe

yahi ahang hai zamane ka

sarkashon ka raha na nam-o-nishan

zor sar chang hai zamane ka

ai jafa kar dahr mein tujh bin

kaun ham sang hai zamane ka

jhut main ne kaha tire hathon

qafiya tang hai zamane ka

chal nikal jald yan se ai joshish

dhang be dhang hai zamane ka