جینے کی ہے امید نہ مرنے کا یقیں ہے — فانی بدایونی (Fani Badayuni)

جینے کی ہے امید نہ مرنے کا یقیں ہے

اب دل کا یہ عالم ہے نہ دنیا ہے نہ دیں ہے

گم ہیں رہ تسلیم میں طالب بھی طلب بھی

سجدہ ہی در یار ہے سجدہ ہی جبیں ہے

کچھ مظہر باطن ہوں تو کچھ محرم ظاہر

میری ہی وہ ہستی ہے کہ ہے اور نہیں ہے

ایذا کے سوا لذت ایذا بھی ملے گی

کیوں جلوہ گہ ہوش یہاں دل بھی کہیں ہے

مایوس سہی حسرتئ موت ہوں فانیؔ

کس منہ سے کہوں دل میں تمنا ہی نہیں ہے