حسن حجاب آشنا جانب بام آ گیا

حسن حجاب آشنا جانب بام آ گیا

بادۂ تہ نشین جام تا لب جام آ گیا

آپ نے پھینک دی نقاب گرمئ عشق دیکھ کر

حشر نواز حسن آج حشر کے کام آ گیا

ملت کفر و دیں کی بحث گرم تھی خانقاہ میں

اتنے میں کوئی مے پئے دست بہ جام آ گیا

شوق کا اعتبار کیا یاس یہ اختیار کیا

راہ امید و بیم میں دل کا مقام آ گیا

دل مرا دیکھتا رہا اور میری زبان پر

لذت جان آرزو آپ کا نام آ گیا

دہر جوان ہو گیا کھل گیا میکدے کا در

ساقیٔ مست مست ناز مست خرام آ گیا

جلوۂ بے حجاب کو خوب سمجھ رہا ہوں میں

محشر دید منتظر منظر عام آ گیا

کیفیؔٔ بے قرار سن یہ رگ جاں کے ساز سے

ہے مری التجا قبول دل کا پیام آ گیا

husn-e-hijab ashna janib-e-bam a gaya

bada-e-tah nashin-e-jam ta lab-e-jam a gaya

ap ne phenk di naqab-e-garmi-e-ishq dekh kar

hashr nawaz husn aj hashr ke kam a gaya

millat-e-kufr-o-din ki bahs garm thi khanqah mein

itne mein koi mai piye dast ba jam a gaya

shauq ka etibar kya yas ye ikhtiyar kya

rah-e-ummid-o-bim mein dil ka maqam a gaya

dil mira dekhta raha aur meri zaban par

lazzat-e-jan-e-arzu ap ka nam a gaya

dahr jawan ho gaya khul gaya maikade ka dar

saqi-e-mast mast-e-naz mast-e-khiram a gaya

jalwa-e-be hijab ko khub samajh raha hun main

mahshar-e-did muntazir manzar-e-am a gaya

kaifi be qarar sun ye rag-e-jan ke saz se

hai miri iltija qubul dil ka payam a gaya