حسن فطرت کی آبرو مجھ سے
اقبال سہیلحسن فطرت کی آبرو مجھ سے
آب و گل میں ہے رنگ و بو مجھ سے
میرے دم سے بنائے مے خانہ
ہستئ شیشہ و سبو مجھ سے
مجھ سے آتش کدوں میں سوز و گداز
خانقاہوں میں ہائے و ہو مجھ سے
شبنم ناتواں سہی لیکن
اس گلستاں میں ہے نمو مجھ سے
اک تگاپوئے دائمی ہے حیات
کہہ رہی ہے یہ آب جو مجھ سے
طاقت جنبش نظر بھی نہیں
اب ہو کیا شرح آرزو مجھ سے
husn-e-fitrat ki abru mujh se
ab-o-gul mein hai rang-o-bu mujh se
mere dam se banae mai khana
hasti-e-shisha-o-subu mujh se
mujh se atish kadon mein soz-o-gudaz
khanqahon mein hae-o-ho mujh se
shabnam-e-natawan sahi lekin
is gulistan mein hai numu mujh se
ik tagapaue daimi hai hayat
kah rahi hai ye ab ju mujh se
taqat-e-jumbish-e-nazar bhi nahin
ab ho kya sharh-e-arzu mujh se