حسن شوخ چشم میں نام کو وفا نہیں

حسن شوخ چشم میں نام کو وفا نہیں

درد آفریں نظر درد آشنا نہیں

ننگ عاشقی ہے وہ ننگ زندگی ہے وہ

جس کے دل کا آئینہ تیرا آئینہ نہیں

آہ اس کی بے کسی تو نہ جس کے ساتھ ہو

ہائے اس کی بندگی جس کا تو خدا نہیں

حیف وہ الم نصیب جس کا درد تو نہ ہو

اف وہ درد زندگی جس کی تو دوا نہیں

دوست یا عزیز ہیں خود فریبیوں کا نام

آج آپ کے سوا کوئی آپ کا نہیں

اپنے حسن کو ذرا تو مری نظر سے دیکھ

دوست! شش جہات میں کچھ ترے سوا نہیں

بے وفا خدا سے ڈر طعنۂ وفا نہ دے

تاجورؔ میں اور عیب کچھ ہوں بے وفا نہیں

husn shokh chashm mein nam ko wafa nahin

dard afrin nazar dard-e-ashna nahin

nang-e-ashiqi hai wo nang-e-zindagi hai wo

jis ke dil ka aina tera aina nahin

ah us ki be kisi to na jis ke sath ho

hae us ki bandagi jis ka to khuda nahin

haif wo alam nasib jis ka dard to na ho

uf wo dard-e-zindagi jis ki to dawa nahin

dost ya aziz hain khud farebiyon ka nam

aj ap ke siwa koi ap ka nahin

apne husn ko zara to miri nazar se dekh

dost! shash jihat mein kuchh tire siwa nahin

be wafa khuda se dar taana-e-wafa na de

tajwar mein aur aib kuchh hun be wafa nahin