حسن سے شرح ہوئی عشق کے افسانے کی

حسن سے شرح ہوئی عشق کے افسانے کی

شمع لو دے کے زباں بن گئی پروانے کی

شان بستی سے نہیں کم مرے ویرانے کی

روح ہر بونڈلے میں ہے کسی دیوانے کی

آمد موسم گل کی ہے خبر دور دگر

تازگی چاہئے کچھ ساخت میں پیمانے کی

آئی ہے کاٹ کے میعاد اسیری کی بہار

ہتکڑی کھل کے گری جاتی ہے دیوانے کی

سرد اے شمع نہ ہو گرمی بازار جمال

پھونک دے روح نئی لاش میں پروانے کی

اٹھ کھڑا ہو تو بگولا ہے جو بیٹھے تو غبار

خاک ہو کر بھی وہی شان ہے دیوانے کی

آرزوؔ ختم حقیقت پہ ہوا دور مجاز

ڈالی کعبے کی بنا آڑ سے بت خانے کی

husn se sharh hui ishq ke afsane ki

shama lo de ke zaban ban gai parwane ki

shan basti se nahin kam mire wirane ki

ruh har bondale mein hai kisi diwane ki

amad-e-mausam-e-gul ki hai khabar daur-e-digar

tazgi chahiye kuchh sakht mein paimane ki

ai hai kat ke miad asiri ki bahar

hatkari khul ke giri jati hai diwane ki

sard ai shama na ho garmi-e-bazar-e-jamal

phunk de ruh nai lash mein parwane ki

uth khara ho to bagula hai jo baithe to ghubar

khak ho kar bhi wahi shan hai diwane ki

arzu khatm haqiqat pe hua daur-e-majaz

dali kaabe ki bana ar se but khane ki