حریم کعبہ بنا دی وہ سر زمیں میں نے

حریم کعبہ بنا دی وہ سر زمیں میں نے

ترے خیال میں رکھ دی جہاں جبیں میں نے

مجھی کو پردۂ ہستی میں دے رہا ہے فریب

وہ حسن جس کو کیا جلوہ آفریں میں نے

چٹک میں غنچے کی وہ صوت جاں فزا تو نہیں

سنی ہے پہلے بھی آواز یہ کہیں میں نے

رہین منزل وہم و گماں رہا اخترؔ

اسی میں ڈھونڈھ لیا جادۂ یقیں میں نے

harim-e-kaaba bana di wo sar zamin main ne

tire khayal mein rakh di jahan jabin main ne

mujhi ko parda-e-hasti mein de raha hai fareb

wo husn jis ko kiya jalwa afrin main ne

chutak mein ghunche ki wo saut-e-jan faza to nahin

suni hai pahle bhi awaz ye kahin main ne

rahin-e-manzil wahm-o-guman raha akhtar

isi mein dhundh liya jada-e-yaqin main ne