حسن عالم سوز نامحدود ہونا چاہئے

حسن عالم سوز نامحدود ہونا چاہئے

ہر تجلی آفتاب آلود ہونا چاہئے

حسن نیت ہے دلیل حسن انجام عمل

سعی میں بھی جلوۂ مقصود ہونا چاہئے

ایک ہی جلوہ ہے جب ہنگامہ آرائے شہود

پھر وہی شاہد وہی مشہود ہونا چاہئے

حسن عالم سوز کا فیض تجلی عام ہے

ایک اک ذرہ یہاں مسجود ہونا چاہئے

شانہ و آئینہ کیا اے زلف مشکین ایاز

تیری زینت کو دل محمود ہونا چاہئے

بے نیازی اب خطا کاروں کی ہمت بڑھ گئی

باب توبہ کچھ دنوں مسدود ہونا چاہئے

کاوش مژگان کا پیہم تقاضا ہے عزیزؔ

ہر نفس کو تیرے خون آلود ہونا چاہئے

husn-e-alam soz-e-namahdud hona chahiye

har tajalli aftab alud hona chahiye

husn-e-niyyat hai dalil-e-husn anjam-e-amal

sai mein bhi jalwa-e-maqsud hona chahiye

ek hi jalwa hai jab hangama ara-e-shuhud

phir wahi shahid wahi mashhud hona chahiye

husn-e-alam soz ka faiz-e-tajalli am hai

ek ik zarra yahan masjud hona chahiye

shana-o-aina kya ai zulf-e-mushkyun ayaz

teri zinat ko dil-e-mahmud hona chahiye

be niyazi ab khata karon ki himmat barh gai

bab-e-tauba kuchh dinon masdud hona chahiye

kawish-e-mizhgan ka paiham taqaza hai aziz

har nafas ko tere khun alud hona chahiye