حرص دولت کی نہ عز و جاہ کی

حرص دولت کی نہ عز و جاہ کی

بس تمنا ہے دل آگاہ کی

درد دل کتنا پسند آیا اسے

میں نے جب کی آہ اس نے واہ کی

کھنچ گئے کنعاں سے یوسف مصر کو

پوچھئے حضرت سے قوت چاہ کی

بس سلوک اس کا ہے منزل اس کی ہے

اس کے دل تک جس نے اپنی راہ کی

واعظو کیسا بتوں کا گھورنا

کچھ خبر ہے ثم وجہ اللٰہ کی

یاد آئی طاق بیت اللہ میں

بیت ابرو اس بت دل خواہ کی

راہ حق کی ہے اگر آسیؔ تلاش

خاک رہ ہو مرد حق آگاہ کی

hirs-e-daulat ki na izz-o-jah ki

bas tamanna hai dil-e-agah ki

dard-e-dil kitna pasand aya use

main ne jab ki ah us ne wah ki

khinch gae kanan se yusuf misr ko

puchhiye hazrat se quwwat chah ki

bas suluk us ka hai manzil us ki hai

us ke dil tak jis ne apni rah ki

waizo kaisa buton ka ghurna

kuchh khabar hai summa wajh allah ki

yad ai taq-e-bit allah mein

bit abru us but-e-dil khwah ki

rah-e-haq ki hai agar asi talash

khak-e-rah ho mard-e-haq agah ki