حسن جب مقتل کی جانب تیغ براں لے چلا

حسن جب مقتل کی جانب تیغ براں لے چلا

عشق اپنے مجرموں کو پا بجولاں لے چلا

خون ناحق کی حیا بولی ذرا منہ ڈھانک لو

ناز جب ان کو سر خاک شہیداں لے چلا

خاک عاشق روکنے کو دور تک لپٹی گئی

جب سمند ناز کو وہ گرم جولاں لے چلا

جب چلی مقتل سے قاتل کی سواری رات کو

آگے آگے مشعلیں خون شہیداں لے چلا

آرزوئے دید جاناں بزم میں لائی مجھے

بزم سے میں آرزوئے دید جاناں لے چلا

ڈھونڈتی تھی ہر طرف کس کو نگاہ واپسیں

آس کس کے دید کی بیمار ہجراں لے چلا

ناز آزادی حسنؔ وجہ اسیری ہو گیا

مو کشاں دل کو خیال زلف پیماں لے چلا

husn jab maqtal ki janib tegh-e-burran le chala

ishq apne mujrimon ko pa bajaulan le chala

khun-e-nahaq ki haya boli zara munh dhank lo

naz jab un ko sar-e-khak-e-shahidan le chala

khak-e-ashiq rokne ko dur tak lipti gai

jab samand-e-naz ko wo garm jaulan le chala

jab chali maqtal se qatil ki sawari rat ko

age age mashlen khun-e-shahidan le chala

arzu-e-did janan bazm mein lai mujhe

bazm se main arzu-e-did janan le chala

dhundti thi har taraf kis ko nigah-e-wapasen

as kis ke did ki bimar hijran le chala

naz azadi husn wajh-e-asiri ho gaya

mu kashan dil ko khayal-e-zulf-e-paiman le chala