حد ہو کوئی تو صبر ترے ہجر پر کریں

حد ہو کوئی تو صبر ترے ہجر پر کریں

آخر ہم ایک حال میں کب تک بسر کریں

اہل نظر وسیع گر اپنی نظر کریں

ذرے نقاب الٹ کے تجھے جلوہ گر کریں

فطرت ہر اعتبار سے ہے ہم نوائے حسن

آمین تم کو تو دعائیں اثر کریں

تم نے تو اپنے حسن کو محفوظ کر لیا

ہم کس کے ساتھ عمر محبت بسر کریں

سیمابؔ ہم میں عیب و ہنر خود ہیں بے حساب

ہم کیا کسی کے عیب و ہنر پر نظر کریں

had ho koi to sabr tire hijr par karen

akhir ham ek hal mein kab tak basar karen

ahl-e-nazar wasi gar apni nazar karen

zarre naqab ulat ke tujhe jalwa gar karen

fitrat har etibar se hai ham nawa-e-husn

amin tum ko to duaen asar karen

tum ne to apne husn ko mahfuz kar liya

ham kis ke sath umr-e-mohabbat basar karen

simab ham mein aib-o-hunar khud hain be hisab

ham kya kisi ke aib-o-hunar par nazar karen