آج بے آپ ہو گئے ہم بھی

آج بے آپ ہو گئے ہم بھی

آپ کو پا کے کھو گئے ہم بھی

دانے کم تھے دکھوں کی سمرن میں

تھوڑے موتی پرو گئے ہم بھی

دیر سے تھے وہ جس کے گھیرے میں

اسی جھرمٹ میں کھو گئے ہم بھی

جا کے ڈھونڈا کہاں کہاں نہ تمہیں

جب نہ پایا تو کھو گئے ہم بھی

نام جینے کا جاگنا رکھ کر

آج بے نیند سو گئے ہم بھی

روئیں گے گر تو جگ ہنسائی ہو

کرتے کیا چپ سے ہو گئے ہم بھی

ہائے رے آرزوؔ کی بے آسی

آپ بے بس تھے رو گئے ہم بھی

aj be ap ho gae ham bhi

ap ko pa ke kho gae ham bhi

dane kam the dukhon ki sumran mein

thore moti piro gae ham bhi

der se the wo jis ke ghere mein

isi jhurmut mein kho gae ham bhi

ja ke dhunda kahan kahan na tumhen

jab na paya to kho gae ham bhi

nam jine ka jagna rakh kar

aj be nind so gae ham bhi

roenge gar to jag hansai ho

karte kya chup se ho gae ham bhi

hae re arzu ki be asi

ap be bas the ro gae ham bhi