حسن کی کم نہ ہوئی گرمئ بازار ہنوز

حسن کی کم نہ ہوئی گرمئ بازار ہنوز

نقد جان تک لیے پھرتے ہیں خریدار ہنوز

اپنی عیسیٰ نفسی کی بھی تو کچھ شرم کرو

چشم بیمار کے بیمار ہیں بیمار ہنوز

طائر جاں قفس تن سے تو چھوٹا لیکن

دام گیسو میں کسی کے ہے گرفتار ہنوز

ہم بھی تھے روز ازل صحبتیں بزم الست

بھولتی ہی نہیں وہ لذت گفتار ہنوز

ساتھ چھوڑا سفر ملک عدم میں سب نے

لپٹی جاتی ہے مگر حسرت دیدار ہنوز

کیا خراباتیوں کو حضرت عاصی نہ ملے

کہ سلامت ہے وہی جبہ و دستار ہنوز

husn ki kam na hui garmi-e-bazar hanoz

naqd jan tak liye phirte hain kharidar hanoz

apni isa nafasi ki bhi to kuchh sharm karo

chashm-e-bimar ke bimar hain bimar hanoz

tair-e-jan qafas tan se to chhota lekin

dam-e-gesu mein kisi ke hai giraftar hanoz

ham bhi the roz-e-azal sohbaten bazm-e-alast

bhulti hi nahin wo lazzat-e-guftar hanoz

sath chhora safar mulk-e-adam mein sab ne

lipti jati hai magar hasrat-e-didar hanoz

kya kharabatiyon ko hazrat-e-asi na mile

ke salamat hai wahi jubba-o-dastar hanoz